Nuai 900 chuang hu ruihhlo man tawh

Central YMA hnuaia Supply Reduction Service (SRS) chuan April 11, 2015 aṭanga February 18, 2016 thleng khan ruihhlo chi hrang hrang Rs. 9,00,50,600 hu an man tawh a, ruihhlo kaihhnawihah mi 1,237 an man tawh.

SRS aṭanga thu dawn danin, SRS-in ruih-hlo an mante chu heroin hawng 166, can 1,720 leh chhìn sen 149; metham-phetamine mûm 2,52,800; alprozelam tlêp 1,794 leh ganja kg. 4.6 leh pack 94 a ni.

Ruihhlo kaihhnawiha mi an man 1,237 zinga 720 chu counselling pek an nih hnuah chhuah leh an ni a; mi 42 chu home-ah dah niin, Excise & Narcotics hnena hlan mi 64 leh Police hnena hlan mi 28 an awm.

Methamphetamine bik hi May 2015-ah mûm 58,800, June 2015-ah mûm 50,000, September 2015-ah mûm 42,000 leh October 2015-ah mûm 1,02,000 an man a; November 2015 aṭanga tun thlengin an la man leh lo a ni.