Joint Coordination Committee an ṭhu

Mizoram sorkar leh Japan sorkar thawhhona, Technical Cooperation Project (TCP) hnuaia Joint Coordination Committee (JCC) chu nimin khan additional chief secretary JC Ramthanga hoin CS conference hall-ah an ṭhukhawm.

Ṭhutkhawma tarlan danin, TCP hnuaia first pilot project chu hlawhtling taka zawh a ni tawh a, follow-up activity plan (chhunzawmna) kalpui mek a ni. 2nd Pilot Project hna pawh Làmchhip, Tlangsam leh Bilkhawthlir North-ahte thawh mek a ni a, Covid-19 avangin hnathawh a khaihlak thung.

TCP hi ei leh bàra Mizo­ramin a intodelh theihna atana JICA-in master plan a siam tawh tihhlawhtlinna tura hmalakna a ni a; a tum ber chu - Mizoram sorkar hnathawkte leh loneitute hnena Japan thiamna hlan chhawn a, kalphung mumal zawk an neih theihna tura guideline leh manual duan a ni.

Project-ah hian Agriculture, Horticulture, Land Resources & Water Conservation leh Irrigation and Water Resources department-te'n pilot village-ahte Block Agriculture and Irrigation Development Committee (BAIDC) system hmangin hna an thawk a ni.