All Mizoram permit tihtawp sawisel

Mizoram Maxi Cab Owners Association (MMCOA) chuan thuchhuah siamin, State Transport Authority-in maxicab-te tana all Mizoram permit titawp a, an tlanna tur kawng bik a siamsak chu ṭha lo an tih thu an tarlang.

MMCOA chuan, tlânna kawng bik siamsak an nih chuan mamawhna bik leh thil hmanhmawh thilah an motor chu hmun aa; thil pawimawha hmun danga tlan turte tan STA lamin permit lak theih ti mah se, permit pe theitute office-ah an awm reng loh avangin rîkrûm thil leh hmanhmawh thila damlo phurh dawnah harsatna lian tak a awm thei dawn tih an sawi a ni.

MMCOA chuan, maxicab aṭanga lifetime tax lak tura tih a ni chu an duh loh thu an sawi bawk a; thu sût leh turin sorkar an ngen a ni.