SWD minister-in EMRS tur hmun a tlawh

Social Welfare minister PC Lalthanliana leh parliamentary secretary K Lalrinthanga te chuan In-rinni zing khan Tuipang, Saiha district-a Eclavya Model Residencial School (EMRS) sakna tur hmun an enfiah.

Tuipanga EMRS sak tur hi kawngpui aṭang km. 1 chuang hreta hlaah din tum a ni a, a panna kawng laih dan tur tihfel tawh niin, a hmunhma cheibâwl dan tur ruahman mek a ni.

Tuipang khuaa an-mahni lawmna inkhawm-ah PC Lalthanliana chuan, Tuipanga EMRS din nan sorkar laipuiin cheng vbc. 2 a rawn pek tawh thu sawiin, "A hmunhma cheibawl ṭan mai tur a ni a, sum hi sorkar laipuiah dil belh leh mek niin, sum hmuh belh a nih chuan changtlung leh ṭha zawka sak chhoh a ni ang," a ti.

PC Lalthanliana leh K Lalrinthanga te hi MADC sorkar executive member (Revenue) F Lawmkima, deputy chairman L Pri-cilla, MDC K Siakhai, Tuipang BDO Abrahama ten an ṭawiawm a ni.