Minister hoin lirtheia chhiah lak sawiho

Transport Department Consultative Committee chu February 20 chawhnu khan Transport minister John Rotluangliana hoin a pisa-ah an ṭhukhawm a, life time vehicle motor tax hman chungchang an sawiho.

John Rotluangliana chuan vehicle lifetime tax rate thar chu February 8 aṭanga hman ṭan a nih thu sawiin, "Chhiah bituk tharah hian private motor, auto rickshaw, taxi leh maxicab-te’n a tlem berah life-time tax kum 15 chhung atan VAT chhut hma motor man atanga 6% pek vek tur a ni," a ti.

Meeting-ah hian motor registration leh road tax zawng zawng computerized vek a nih tawh thu tarlan a ni.