Mizo Poetry Society din

Mizo Poet of the Century-a puan Rokunga piancham denchhenin Inrinni khan Aizawl Press Club-ah poetry lama tuimi kalkhawmte'n Mizo Poetry Society an din.

Mizo Poetry Society hruaitu atan hian prof. RL Thanmawia, H Laldinmawia, C Vanhmingliana, C January, F Lalzuithanga leh Lalhlimpuii te an thlang nghal.

Inkhawm kaihruaitu prof. RL Thanmawia chuan March15-16 chhunga Mizoram University-a 'Poetry Festival for Young Mizo Poet' hman tur chungchang sawifiah nghalin, "He festival hi Mizoram University, School of Humanities leh Sahitya Akademy ṭangdunin an buatsaih tur a ni," an tu.

Mizo Poetry Society hian March 21-a International Day of Poetry chu Mizoramah a vawikhatna atan hman an rel nghal a ni.