MFA khelmual tlawh

Mizoram football dinhmun zir chiang tura lo kal, FIFA Senior Manager for Asia Mike Pfister leh FIFA Development Officer for South & Central Asia Dr Shaji Prabhakaran-te chuan nimin khan Lengpui Airport pana an haw pahin Sairang Dinthar Venga Mizoram Football Association khelmual an tlawh a, khawtlang hruaitute'n an lo dawngsawng. He khelmualah hian FIFA-in MFA hnena a pek artificial turf an phah dawn a ni.