Delhi-a meeting-ah John-a

Nimin khan NDMC Convention Centre, New Delhi-ah Transport Development Council leh National Road Safety Council (NRSC) meeting neih a ni a, Transport minister John Rotluangliana telin, Mizoram hmalaknate a tarlang.

Minister chuan, TDC kaihhruaina anga vehicle lifetime tax rate tha 6% lak a nih thu te, motor registration leh road tax-te chu computerized a nih tawh thu te, lirthei phal chin tâwk aia rit phurte hrem an nih dan te, Mizoram Action Plan for Road Safety chu thehluh a nih tawh thute leh Rule of Road Regulation 2015 (Draft) chu a pawmpui thute a sawi.