Police-te khawihtua puh zinga mi bail-in chhuah

February 20, 2016 zan zanlai pelh hnu, dar 1 vela police patrol duty pahnih khawih rawntute zinga pakhat chu nimin khan Court-in bail-in a chhuah.

Thu dawn danin, police-te chuan police-te lo khawih rawntu mi pasarihte chu an dil angin Court-in darkar 72 kawl a phalsak a; mahse, nimin khan pakhat chuan bail a dil angin, Chief Judicial Magistrate chuan bail-a chhuah a phalsak a ni.

Bail-a chhuah tak hi sorkar hnathawk a ni a, darkar 48 kawl tlin a nih chuan suspend a nih dawn avangin Court-in a chhuah nia thu dawn a ni.

Mi pasarihte hi IPC Section 341, 323, 353, 355 leh 34 hmangin thubuai siamsak an ni.