KHAWTHLIR

Zenghri danna

Vawiin aṭanga Zirtawpni thleng khian Mizoram pumah zenghri danna pek beihpui (Intensified Pulse Polio Immunization) neih a ni dawn. Zenghri danna pek beihpui thlalah hian Health sub-centre tin leh Health department-in IPPI booth a siamahte zenghri danna lak theih a ni dawn a, naupang kum 5 hnuai lamte chu hri danna laktir vek tura ngen an ni.

Luiah tla hlum

February 21, 2016 chawhma dar 11:45 vel khan HS Vanlalhruaia (44), Tlabung Vantaikhawr veng chu Khaw-thlangtuipuia Pûkte kâiah a tla hlum. Thu dawn danin, HS Vanlalhruaia hi a chhungte leh ṭhiante nen inbual turin Pûkte-ah an kal a; ràl lehlam a hleuh kai hnua a hleuh let leh chu vaukam thleng zo loin a tla hlum a ni.

AMC-in paih khap

Aizawl Municipal Corporation (AMC) chuan Chawnpui, Dinthar leh New Secretariat inrinna lai velah leivûng leh bawlhhlawh paih phal a nih loh thu an puang. Bawlhhlawh leh leivung paih luite chu The Mizoram Municipalities Act 2007 hmangin Chawnpui, Dinthar leh Khatla local council-te'n an chawitir thei tih an tarlang.

NLUP sem

Sericulture department chuan nimin khan Hnahthial bazarah NLUP ṭanpuina an sem. third phase fourth instalment-ah mi 11 hnehah Rs. 10,915 ṭheuh leh fourth phase second instalment-ah mi panga hnenah Rs. 19,800 ṭheuh an sem.

Ran enkawl zat

AH&Vety department chuan January thla
chhung khan OPD-ah ran chi hrang hrang 815 leh mobile clinic-ah ran 498 an enkawl a, chung zinga 975 chu zai an ni. Hemi chhung vek hian sorkarah Rs. 52,310 an chhûng lût.

Saiha DIC tlawh

Parliamentary secretary (Industries) Joseph Lalhimpuia chuan nimin khan Saihaa District Industries Centre a tlawh a, thawktute thil pawimawh a sawipui.