Mipuiin MNF an thlahlel lo: PC Lalthanliana

Minister PC Lalthanliana chuan, Mizoram mipuite'n kum 10 chhung MNF sorkar an hrawn tawh a, an zia an hriat chian tawh avangin sorkartir leh duhna chhan leh thlakhlelhna tur an nei lo niin a sawi.

PC Lalthanliana hian nimin khan Saiha New Colony-a Khaihra Memorial Hall-a vantlang inkhawmah thu sawiin, tun hnaia hmun ṭhenkhata buhfai harsatna chung-chang a sawi a, "Khamkhawp thar chhuak lo, lak luh chawp ngai kan nih avangin buhfai hi tu sorkarah pawh a harsat cháng awm thei. Sorkarin theihtawp a chhuah reng a, thlamuang takin i awm ang u," a ti.

Congress sorkar chu Pathianin mal a sawm nia sawiin, PC Lalthanliana chuan, "Kum 2018 inthlan lo awm turah poh Congress bawk hi Pathianin a buatsaih party kan ni," a ti a; party dangte chu Pathianin sorkar turin a buatsaih rih lo nia sawiin, Congress party chu a záwnin term thum a sorkar dawn niin a sawi a ni.