Agriculture hmunah lirthei dahna siam tum

Agriculture minister R Lalzirliana chuan nimin zing khan Agriculture directorate complex-a motor parking sakna tur hmun a enfiah.

R Lalzirliana chuan, sorkarin hun rei lo te chhung-in Aizawl khawpui nuam taka siam a tum tih a sawi a, "Coordination Committee on Traffic Management-in kawng hrang hrangin ngaihtuahna a sêng a, taxi intlân chhâwktir tura ruahmanna peih a nih tawh a, Aizawl khawpuia lirthei neitu zawng zawngte'n garage an neih theih nan nasa zawka hmalak mek a ni," a ti.

Agriculture department hotute'n an ram chhunga motor tam tak park theihna hmun tur ruahmanna an nei chu lawmawm a tih thu sawiin, Agriculture Minister chuan, department dang-te pawh mipui hamṭhatna tura ngaihtuahna sêng tam tur leh sorkar hmalakna apiang thláwp zel turin a ngen.