Prison IG-in Champhai Jail a endik

Prisons inspector general R Lalrem-sanga chuan nimin khan Champhai District Jail a tlawh a; jail táng tamna hmuna mite chu táng tlemna hmuna sawn turin hmalak mek a nih thu a sawi.

R Lalremsanga chuan, Champhai District Jail-ah táng leng thei zata aia tam an tàn mek thu a sawi a, "NDPS Act case-a táng an tam a, thil dang vanga tang chu tlemtê an ni. Champhai Jail hi hmunhma ṭha leh zau zawka sak a nih theih nan hmalak vat a ni dawn a, Mizorama district jail zingah jail pakhata táng tur aia tam awmna a awm laiin ṭhenkhatah an tháwl a, táng tamna hmuna mite hi mi táng tlemna hmunah sawn kual tura hmalak mek a ni," a ti.

Champhai District Jail hi mi 150 tàn theihna tura ruahman a nih laiin, mi 204 an táng mek a ni.