Vaphaiah saza hliam enkawl

May 23, Inrinni khan Vaphai khaw mite chuan an khaw bula Diphûl ramah saza (Mizoram state animal) hliam an man a, AH&Vety department-a thawktute'n a hliam an enkawl mek.

Saza hliam hmutute hian thlung betin, khua an thlen veleh YMA hruaitute an hrilh nghal a, motor hmanga lâk zui a ni. Vaphai Branch YMA hruaitute chuan, Vety field assistant C Laldingliana hriattirin, AH&Vety mithiamte'n saza hliam chu an enkawl a ni. Saza hi a ngháwng­ah a hliam a, VFA chuan thla khat vel a hliam tawha a rin thu a sawi.

Champhai Vaphai Branch YMA chuan, saza awh theihna tur thang kam lo tur leh ramvâkte pawh saza kâp lo turin an chah nawn leh a ni.