Pawl parukin thisen unit 210 an pe

October 21, Inrinni khan Mizoramah pawl parukin thisen pek an huaihawt a, thisen unit 210 an pe. KṬP, Mission Veng Branch-in an kohhran hall-ah thisen pek an huaihawt a, mipa 63 leh hmeichhia 15-te'n ZMC tan thisen unit 78 an pe.

KṬP, Upper Republic Branch-in Civil Hospital, Aizawl tan unit 34 pein, petute mipa 29 leh hmeichhia panga an ni a; KṬP, Thakthing Veng Branch-in Civil Hospital, Aizawl Blood Centre-ah unit 21 an pe a, petute mipa 17 leh hmeichhia pali an ni.

KṬP, College Veng Branch, Aizawlin Synod Hospital tan unit 27 an pe a, petute mipa 22 leh hmeichhia panga an ni a; KṬP, Serchhip Vengchung Branch-in Serchhip District Hospital tan unit 32 an pe a, petute mipa 21 leh hmeichhia 11 an ni. YMA, Kolasib Electric Veng Branch member hmeichhia 10 leh mipa pariatte'n Kolasib District Hospital tan unit 18 an pe bawk.