KHAWTHLIR

Zirna uar tum

Aizawl West-II biala ZPM candidate Lalnghinglova Hmar chuan October 21, Inrinni khan Aizawl West-II-ah campaign infor­­mation centre pali a hawng a, bial chhungah zirna uar an tum tur thu leh zirna-in tihchangtlun an tum tur thu a sawi. Brig. T Sailo entawn a, a thawhrim anga thawkrim turin party mite a fuih.

AR medical camp

Assam Rifles-te chuan October 19-20, 2023 chhung khan Thutak Nunpuitu Team (TNT) hmun, Muanna Vengah medical camp an buat­saih. Camp-ah hian nau­pang 300 vel leh pui­­tling 200 velte hriselna dinhmun endik a ni a; thilpek eng emaw zat an pe bawk.

AR-in heroin man

Assam Rifles leh an thawhpuite chuan October 20-21, 2023 chhung khan hmun pathumah heroin gram 394 an man a, cheng nuai 274 hû a tling. Heroin an mannate chu Bawngkawn South, Champhai Tlangsam leh Champhai Zote te a ni.

Hachhek Meet

Hachhek Constituency Development Committee leh HOFPAR Business Solution chuan October 21, Inrinni khan Hyve Aizawl City Hall-ah Aizawla awm mek Hachhek bial ṭhalai leh zirlaite pualin Hachhek Youth Meet an huaihawt a, Hachhek bial chhung mi eng emaw zat an tel. Hachhek biala mi hlawhtling ṭhenkhatte'n thupui hrang hrang an sawi a ni.