Vote thlak tura ken theihte

Chief electoral officer Madhup Vyas chuan November 7, 2023-a MLA inthlanpuia vote thlak turte hriat tur a tichhuak a, vote thlak turte chu anmahni finfiahna thil pawimawh keng turin a hriattir.

Mizoram CEO chuan, Assembly constituency hrang hranga electors' photo identity card (EPIC) neite chu vote an thlak dawnin EPIC keng vek turin a hriattir a, "Hei hi anmahni ngei a ni tih finfiahna tura ruahman a ni a, EPIC nei remchang lote chuan anmahni finfiahna turin thil pawimawhte ken tur a ni," a ti.

EPIC card nei lote tana ken theihte chu - Aadhaar card, MGNREGA job card, bank/post office aṭanga thlalak chuang passbook, health insurance smart card, driving license, PAN card, NPR kaltlanga RGI-in smart card a pek, passport, pension lehkha pawimawh thlalak chuanna, service identity card leh thil dangte a ni.