Police Commemoration Day hman a ni

October 21, Inrinni khan India ram pumah Police Commemoration Day hman a ni a, Mizoramah pawh district headquarters leh battalion headquarters-ahte hman a ni.

Police Commemoration Day hi Aizawlah chuan 1st MAP headquarters, Armed Venga Martar Thlânah hman a ni a; director general of police Anil Shukla hoin police officer te, CRPF, BSF, SIB leh Assam Rifles officer-te'n Mizoram police, duty laia hmelma kut tuara thi tawhte hriatrengna lungphunah pangpar an dah.

Commemoration Day-ah hian India rama September 1, 2022 leh August 31, 2022 inkara duty laia police thi mi 188-te hming chhiar chhuah a ni a, anmahni sùnna hun hman a ni.

October 21, 1959 khan ralthuam nena India rama rawn lut ru China sipaite chuan India ram veng mektu India police-te chu Hot Springs (Ladakh)-ah an lambun a, India police 10 an thi. He ní hi police, ram tana nun pete hriatrengna Commemoration Day atan sorkar laipui chuan a puang a ni.