Breast Cancer Awareness Month hmang

NPNCD bul tumin October 20, 2023 khan Directorate of Hospital & Medical Education (HME) auditorium-ah Breast Cancer Awareness Month pualin hun hman a ni a, HME director Dr Lalmalsawmi Sailo-in a hmanpui. Breast Cancer Awareness Month hi October thlaah hman ṭhin a ni.

Breast Cancer Aware­ness Month hman­naah hian MHIP gen.Hqrs hruaitute leh MHIP branch ṭhenkhat aiawh te, PC Girls School zirlaite leh Grace Girls Hostel-a awmte an tel a, HME addi­tional director Dr SR Ngurchamliana'n a kaihruai.

Dr Lalmalsawmi Sailo-in thu a sawi bakah, Mizoram State Cancer Institute-a director Dr Jeremy L Pautu-in hnute cancer chungchanga hriat tur pawimawh a sawi a; Mizoram College of Nursing assistant professor Lalfakawmi Fanai-in hnute cancer a neih tawh chungchanga a tawnhriat a sawi bawk.