KHAWTHLIR

Horticulture College tur enfiah

Horticulture department chuan Thenzawlah Horticulture College dinna tur hmunhma an endik mek a, building sak dan tur duang turin Then-zawlah surveyor pali an chám mek. Horticulture College hi kuminah ṭan tum a ni a, Then-zawla building peihfel a nih hma chuan Central Agriculture University, Selesihah class kalpui a ni ang. July 1, 2016-ah zirlai 20 nen class ṭan tum a nih thu, Horticulture department hotute chuan an sawi.

Bankers meeting

Nimin khan Secretariat conference hall-ah chief secretary Lalmalsawma hoin Special Bankers Review Meeting neih a ni a; kum 2015-16
chhungin PMEGP margine money scheme hmanga bank loan pek tur atan sorkar laipui aṭangin cheng nuai 909.60 hmuh a nih thu an tarlang. Meeting-ah hian Aizawla bank 21 aiawh an tel.

Air Force rally

Lunglei, Lawngtlai leh Saiha district-a chengte tan nimin khan Lunglei High Secondary School-ah Air Force Recruitment Rally buatsaih a ni. Rally-ah hian mi 13-in written exam, adapla-bility test leh physical test an paltlang a; a tam zawk erawh chu kum vang leh mark percentage vangin hnâwl an ni.

In kâng

Damparengpuia middle school zirtirtu C Ramthangliana in, Assam type chu nimin chawhma dar 10 vel a kang a, bungrua chuh hman lohin a kâng ral.

Tui thianghlim Dan tur sawiho

Kolasib district-a khawtin an tuilak leh tuitlante a lo thianghlim a, tui thianghlim in tur an lo neih theihna turin nimin khan 'Grass-Root Level Training on Water Quality Monitoring & Surveilance Programme' chu Communication & Capacity Development Unit, PHE department huaihawtin St Joseph Parish Hall ah neih a ni.