BSF leh BGB-te'n ramri an enho

India sipai, ramri vengtu Border Security Force (BSF) leh Bangla-desh sipai, ramri veng-tu Border Guards Bang-la-desh (BGB)-te chuan ni-min khan Tlabung bul-ah ramrîa inkalpawhna khàn an enho bakah, ram leilung nihphung an zirho.

'Joint Recce' tia vuah ram pahnih sipaite'n ramri dinhmun an enhonaah hian BSF leh BGB sipai hotute an tel a; tun din-hmuna thawhhona ṭha tak an nei chu lawmawm an tih thu leh chhawm nun zel ṭul an tih thu an sawi.

Dân páwna awm ral-thuam chelektute dap chhuah kawnga lungrual taka thawhho a ṭul thu leh, a kaihhnawih buaina thlen thulhah a ṭul anga inpuih zel ṭha an tih thu an sawi a; hmun dang ngaihtuahin tuna Tlabung chhehvel Indo-Bangla ramri hrúl chu a muanawm hle tih an sawi bawk.

Chawlhkar khat chhung awh tur 'Joint Recce' hi BSF leh BGB-te'n ṭum khat an huaihawtna a ni a; nimin khan India ram chhung Silkur-a ram pahnih sipaite an inbiak zawhah India ram chhung vêkah kawngpui zawhin Borapansury leh a piah lama BSF hmunpui thleng an tlawh a ni.

Joint Recce-ah hian BSF lam chu DIG pahnih - UPS Pathania leh SC Budakuty ten an ho a; Bangladesh lam aṭang-in BGB commanding officer pathum, sector commander pahnih leh JCO pahnih an tel.