Ultrasound ti thei tur siam thar

State Supervisory Board chu nimin khan an chairman, Health minister Lal Thanzara hoin CMO conference hall-ah an ṭhukhawmm a; ultrasound ti thei tur siam thar a nih thu tarlan a ni.

Meeting-a tarlan danin, Mi-nistry of Health and Fami-ly Welfare hnuaia 'The Pre-conception and Pre-natal Diag-nostic Techniques (Prohi-bition of Sex Selection) (Six Months Training) Rules, 2014’ phût ang-in, specialist doctor ni lo, ultrasound khawl hmang turte chuan Competency Based Assess-ment thla ruk chhung awh training an neih zawh hnuah exam an paltlang a ngai dawn a ni.

Certification ti tur hian Ai-zawl Civil Hospital (ACH) chu Mizorama accredited in-stitution awm chhun a ni. Kum 2017 aṭang chuan ACH-in cer-tificate a pek ni lote chuan state dangah training nei tawh mah se, Mizoram chhunga ultrasound khawl reng reng an hman a rem dawn tawh lo.

Meeting-ah hian Law & Judicial department leh Social Welfare department aiawhte chuan, sex ratio chungchangah Mizoram chu dinhmun ṭha pawlah ding hrih mah se, hmasawn zel tura inzirtir uar a ṭul thu an sawi.

Health & Family Welfare hnuaia State Supervisory Board hi July 17, 2015-a din niin, thla li danah an ṭhukhawm a; an thurelte chu sorkar laipuiah thehluh ṭhin a ni.