CM Hawla'n chak zawka Hnathawh a duh thu thlen

Chief minister Lal Thanhawla chuan nimin khan Delhi-ah Minister of State (Independent Charge) for Petroleum & Natural Gas Dharmendra Pradhan chu a pisaah a hmu a; Mizorama tuialhthei (oil) leh natural gas zawn hna chak zawka thawh theih dan tur a sawipui.

Chief Minister chuan, Mizorama oil leh natural gas zawn hna hmun thuma thawk tura kum tam tak kal taa company pathum thlante'n hna an thawh chak tawk loh thu Union Minister a hrilh a, "Mizoram chhim lama thawk tura thlan phei chu a inhnuhdawh leh avangin, company dang thawk tur min thlânsak thuai a ngai," a ti.

CM Lal Thanhawla chuan, Mizoram hmar lam leh hmun lailía oil leh gas zawn hna thawk mekte pawhin chak zawka hna an thawh theih nan hmalakpui turin Dharmendar Pradhan chu a ngen bawk.