MAMETI chungchang zirho

Mizoram Agricultural Management & Extension Training Institute (MAMETI) chuan nimin khan Agriclture dept. committee room-ah Agricultural Technology Management Agency (ATMA) hnuaia dy. project director leh Block Technology manager-te tan Pradhan Mantri Krishi Sinchayee Yojana (PMKSY) scheme zirna an buatsaih.

Training kaihruaitu MAMETI director Dr. H Saithantluanga chuan thingtlang loneitute chawikanna tura scheme lian tak sorkar laipuiin a siam chu lawmawm a tih thu a sawiin, "He scheme hlawhtlinna atana pawimawh ber chu mipui-te an ni. Mipuite hnena he scheme chungchang hrilh hriaa a ṭul anga training pe tura sorkar laipuiin ATMA a thlang chu thil lawmawm tak, huphurh awm bawk si a ni," a ti.

PMKSY-in a tum bul ber chu loneitute buh leh bal thar tihpun a, thing-tlang mite hmasawnna siamsak a nih avangin PMKSY Nodal Department atan Agriculture Ministry/Department chu thlan a ni.