Thingsaiah chaw an la nghei zel

Thingsai Joint NGO Coordination Committee leh political party hrang hrang ṭangrualin an khaw sikula zirtirtu dah belh phûta Thawhṭanni aṭanga chaw an nghei chu nimin khan an la chhunzawm zel.

Thingsai NGO Coordination Committee hian an khaw high school-a science teacher dah belh leh Thingsai Middle School leh Saikuti Middle School-ahte headmaster dah thuai turin sorkar an phût a; chaw an nghei hma hian February 17-19, 2016 chhung khan an khuaa sikul zawng zawng an lo khâr tawh a ni. Sikul khâr a nih avang hian pawl 9 leh 11 zirlaite'n promotion exam an nei thei lo.