Lungleiah Earthquake Mock Drill nei dawn

Vawiin hian Lung-lei khawpuiah 'Earthquake Mock Drill' neih a ni dawn a, hemi atan han district officials, police, medical, National/State Disaster Response Force, NGO leh volunteer hrang hrangte chuan Thawhṭanni leh nimin khan Lunglei DC conference hall-ah training an nei a, DM&R sceretary PC Lallawmsanga'n
a hmanpui.

PC Lallawmsanga chuan Mizoramah chhiatrupna engtik lai pawha thleng thei a nih thu sawiin, "Chhiat-rupna thlen thut pawha lo inven-dan tur chung-chang hi sikul zirlai zawng zawngte pawh a thei anga zauvin zirtir a ṭul," a ti a, lir a nghinin in-chhung aṭanga pawna tlanchhuah hi a him ber lo tih hre theuh turin mipuite a chah.

Training hi NDMA sr.consultant Shivaji Singh, jt. adviser DS Sindhu leh dy. co, 1st Bn NDRF Marut Pandey pawhin an hmanpui.

Mock drill atan hian chawhma dar 11:30 ah Lunglei DC office aṭang-in siren tihrik a ni ang. Lirnghing awm anga lemchangin khawpui chhung a buai mup mup dawn avangin mipuite lo chiai lo turin district hotute chuan mipuite an hriattir.