Hmasawnna hna hmu duh tan chuan Dept. tinah hmuh tur a awm: Thanzara

Minister Lal Thanzara chuan, Mizoramah hmasawnna hmu duh tan chuan Mizoram sorkarin hmasawnna hna a thawhte hmuh tur department tinah a awm thu a sawi.

Nimin zinga Dinthar Veng chhunga inkalpawhna, Hipheia Road a hawnnaah thu sawiin Lal Thanzara chuan, "Hmasawnna chu a hmu duh tan depart-ment-tinah, a tê leh a lian hmuh tur a awm reng a ni," a ti.

Lal Thanzara chuan, Sihhmui Tlawng lei chim dawh mek chungchang sawiin, "March thla chhunga dawh zawh tum a ni," a ti a;
Ministry of Road Transport and Highways sum hmanga siam a nih avangin duh angin a thawh hmanhmawh theih loh thu a sawi.

Dinthara kawng hawn tâk hi km. chanvea thui, metre 2.7-a zau, inchi lia chah a ni a, a siamna tur sum chu Hipheia'n MP a nih laiin a fund aṭangin a pe a ni.

Minister hian Mizoram Youth Commission-in IAS leh SSC Coaching Centre atana a buatsaih, Dinthar Primary School-I pawh a tlawh nghal a, hna thawh dan a enfiah.

Minister Lal Thanzara hi MLA pahnih - T Sangkunga leh Lalrobiaka ten an ṭawiawm a ni.