Tawnluia a ṭawngvai - MPYCC

Congress party ṭhalaite chuan thu-chhuah siamin, Aizawl khawpui laili aṭanga Assam Rifles sawn chhuah chung-changah MNF senior vice president Tawnluia a ṭawngvai niin an tarlang.

MPYCC chuan Tawnluia'n Mizo Hnam Runa inkhawmah, 'Kan sorkar veleh AR kan sawn chhuak ang,' a ti chu chhangin, "Home Minister a nih lai leh MNF-in kum sawm sorkarna an chelh laia AR sawn chhuak thei lo hian AR sawn chhuah chungchang hi sawi ve tlak a ni lo," an ti.

MNF kum 10 sorkar chhungin AR sawn chhuah chu sawi loh, Lammual chei tur pawhin phalna an nei thei lo nia sawiin, MPYCC chuan, "Ṭhalaite'n duh hun hunah infiamna hun pawh an nei thei lo a nih kha. Congress sorkarin Zokhawsanga AR sawn chhuahna turin chak takin hma a la mek a. MNF-in an khawih theih loh Lammual chu inkhelh-na hmun changkang leh gallery ṭha tak an siam zawk a ni," an ti.