Nungcha humhalh dan tur sawiho

Mizorama sava veh leh nungchate tihhlum tihtawp a nih theih dan tur ngaihtuahin nimin khan PCCF pisa conference hall-ah conservator of forest (Wildlife) Lalrinmawia kaihhruaiin Save Mizoram Birds Jiont Action Committee-te an inhmukhawm.

Meeting-ah hian Central YMA, Biodiversity & Nature Conservation Network (BIOCONE), Association for Environment Protection (ASEP), Save Environment Association (SENVA), Mizo Academy of Science (MAS), Mizoram Environment & Forest Consultative Forum (MEFCOF), Mizoram Rifle Association (MRA), Green Mizoram Network (GMN) aiawhte an tel.

Save Mizoram Birds JAC ṭhukhawm chuan, Mizorama dan bawh-chhiaa sava leh nungcha dangte chunga kutthlakna a tawp theih nan hma lakpui turin Chief Minister ngen an rel a; tunlaia air rifle nena sava veh
ṭhin tihtawp a nih theih nan kohhran, VC leh LC, YMA, MHIP leh MUP hruaitute an huam chhung ṭheuha ṭan la tura ngen an rel bawk.