CKṬP leader tur Rev. Zothansanga

Synod Executive Com-mittee meeting, ni-mina Synod Committee Room-a ṭhukhawm chuan kum 2016-18 chhunga Central KṬP leader atan Rev. Zothansanga an ruat. Hetih lai hian, KṬP General Conference vawi 56-na atan kawng hrang hrangin an inbuatsaih mek zel.

Central KṬP leader leh general secretary-te chu SEC-in a ruat ṭhin a, hruaitu dang 18-te chu General Conference-a rorel palaite'n an thlang thung. SEC chuan CKṬP general secretary atan a ṭanglai, Upa Zonunmawia a ruat nawn leh a ni.

KṬP General Con-ference, March 3-6, 2016 chhunga neih tur in--buat-saihna kal zelah Thawhlehni zan khan Chanmari Kohhran Hall-ah conference-a chanvo nei tur, Central KṬP-in mimala a ruatte hlanna inkhawm neih a ni a, KṬP t-shirt tlangzarh nghal a ni.

KṬP General Con-fe-rence-a chanvo neite hlan-na inkhawm hi CKṬP assistant leader Samuel Laldingliana'n kaihruaiin, Synod moderator Rev. H Lalrinmawia'n chanvo neite Pathian hnena hlanna hun a hmang a; CKṬP leader Rev. J Lalremsiama'n fuihna thuchah a sawi.

Inkhawmah hian CKṬP-in KṬP t-shirt a siam thar chu CKṬP Leader-in a tlangzarh. T-shirt hi rawng chi li a ni a, Rs. 250 leh Rs. 300 man a ni.

KṬP General Con-ference neihna tur Cham-phai lam an inbuatsaih zo thawkhat tawh a; New Champhai khelmuala pandal pawh peih tawhin, nak zanah Pathian hnena hlanna inkhawm neih a ni ang.