14th FC-in hmarchhak tan vbc. 44,090 pe Mizoramin cheng vbc. 4580 a chang

14th Finance Commission (FC) aṭangin sorkar kum kal mekah hmarchhak state-te tan sorkar laipui chuan cheng vbc. 44090 a pe chhuak tawh a; chu'ng zinga cheng vbc. 4580 chu Mizoramin a chang a, chu chu 10.28% a ni.

14th FC chuan kum 2015-16 atan sorkar laipui-in chhiah a hmuh aṭangin hmarchhak state-te tan cheng vbc. 313375 leh grant-in-aid atan cheng vbc. 63206 a ruahman a ni. 14th FC-in ruahmanna a siam aṭang hian sorkar laipuiin chhiah a hmuh aṭangin sorkar kum kal mekah cheng vbc. 32657 leh grant-in-aid aṭangin vbc. 11433 pek chhuah a ni tawh.

Sorkar laipuiin sum a pek chhuah tawh aṭang hian Mizoram chuan sorkar laipui chhiah
aṭangin cheng vbc. 2414 leh grant-in-aid aṭangin cheng vbc. 2166 a chang. Mizoramin sum a hmuh tawh hi kum 2014-15 chhunga sum a hmuh vbc. 2614 aiin vbc. 1966-in a tam zawk.

2015-16-a 14th FC hnuaia hmarchhak

State-te'n sum an hmuh tawh dan (Rupees in crore)

State Chhiah Grant Total

Arunachal Pradesh 7,232 159 7,391

Assam 17,401 3,283 20,684

Manipur 3,238 2,122 5,360

Meghalaya 3,371 643 4,014

Mizoram 2,414 2,166 4,580

Nagaland 2,614 3,224 5,838

Sikkim 1,925 49 1,974

Tripura 3,369 1,175 4,544