MNF-in seat 26 kan la dawn - MNYF Vice President

Mizo National Youth Front (MNYF) vice president Zodinpuia chuan, November 7, 2023-a Mizoram inthlanpuiah MNF party-in seat 26 an la dawn niin a sawi.

MNF Campaign Directorate-a secretary ni bawk Zodinpuia hian Mizoram khawchhak lam a tlawhnaah thu sawiin, "Mizoram inthlanpui neih turah MNF chuan bial 26-ah hnehna a chang dawn tih a lang chiang tawh a, bial dang 14-ah pawh MNF hmasawnna chak takin a ṭhang chho mek. Ram hmasawnna kawngah chak lehzuala thawk turin mipuite'n MNF-ah rinna an nghat lian hle a, Mizo mipui beisei leh rinna tihlawhtling turin MNF pawh a inpeih tawh a ni," a ti.