Kum 5 chhungin kawlphetha mamawh thar chhuah hman kan tum - ZPM Consultant

ZPM party chuan nimin khan an pisaah chhung inkhawm an nei a; ZPM consultant F Rodingliana'n thu sawiin, ZPM sorkarah kum 5 chhungin Mizo­ramin kawlphetha a mamawh ang thar chhuah hman ngei an tum thu a sawi.

F Rodingliana hian Mizorama kawlphetha dinhmun leh kawlphetha leina atana sorkar sum sên dan a tarlang a, "Kum 5 chhung hi chuan kan state mamawh thar chuah hman ngei kan tum. Dam lohna avangin Aizawl, Lunglei, adt. kan pan lo thei lo ṭhin a, nunna hlu tak kan chán fo. ZPM chuan ruang phurh nan motor hire rate chu sorkar rate awm sa hmangin khawtlang hruaitu YMA/khawchuak welfare-te'n lo buaipuiin, sorkar ruahmanna angin MLA tibuai loin awlsam takin anni'n an chingfel tawh dawn a ni," a ti.

ZPM Consultant hian, ZPM an sorkar chuan Lungleng ramah Tlawng lui khuah tum a ni a, kawlphetha megawatt 54 siam chhuak thei tura ngaih a nih thu te, megawatt 70 siam thei turin Mat lui khuah tum a nih thu te, Thiltlang bulah Tuichang lui khuah tum a nih thu te, Ngopa bulah Tuivai (100 MW) khuah tum a nih thute a sawi a ni.