Election hotute nen sorkar media-a party-te hun hman dan tur ruahman

Mizoram Assembly inthlanpui neih turah, campaign hun tawp thlenga political party-te'n sorkar media - Doordarshan leh Akashvani (AIR)-a hun an hman dan tur nimin khan additional chief electoral officer H Lianzela hoin ICT Conference Hall-ah ruahman a ni. Addl. CEO chuan, vote thlak ni-ah hna thawktu tu pawh chawlh phalsak an nih thu a sawi.

H Lianzela chuan, electronic media kaltlanga political advertisement pe turte'n Media Monitoring and Control Committee aṭanga pre-certification an tih zel a ṭul thu leh, vote thlak zawh hun bituk darkar aṭanga chhiar lêta darkar 48 chhung chu silent period a ni a, campaign kaihhnawih thil tihchhuah phal a nih loh thu a sawi.

Additional CEO chuan, Mizoram inthlanpuiah vote a tlak ṭhat theih nan mipuiah zirtirna tam zawk pe turin media-te a chah a; vote thlak ni, November 7, 2023 chu sorkar hnathawkte bakah, mimal sumdawng emaw, mi hnuaia thawkte tan hlawh kiam chuang loa chawlh (paid doliday)-ah sorkarin a puan thu sawiin, "Hei hian mimalin hna thawka an chhawr/awmpuite pawh a huam vek a, vote thlak tura an haw laia hlawh pawh pek ngei ngei tur a ni," a ti.

Ṭhutkhawmah hian All India Ration, Aizawl head of programme Lalnunziri leh DDK Aizawl head of programme C Vanlalsiama ten political party-te tana programme an ruahman dan an sawifiah a; chumi hnuah recognised political party-te hun chan dan tur pawh a ni.

Meeting-ah hian deputy CEO Henry C Lalrawnkima leh Election offical dang te, DDK leh AIR hotu te, recognised party aiawhte an tel a ni.