Aizawlah SVEEP Cycle Rally buatsaih

Aizawl district-a Systematic Voters Education and Electoral Participation (SVEEP) buaipuitute leh Mizoram Cycling Association chuan MLA inthlanpui awm tura mipui zirtirna atan nimin zing khan Aizawlah SVEEP Cycle Rally an buatsaih a, Aizawl bawrhsap Nazuk Kumar, district election officer-in Vanapa Hall kawt aṭangin a vailiam.

SVEEP Cycle Rally-ah hian mi 85 an tel a, thirsakawrin Vanapa Hall kawt aṭanga Aizawl Municipal Corporation office, Ṭhuampui thleng an tlân. Aizawl district police observer Ajay Kumar Nand pawh a tel a ni.

DEO Nazuk Kumar chuan, "India ram chu mipui rorelna, democracy ram kan nih angin ram inrêlbàwlna hi mipui kutah a innghat a, chumi atana hmanrua chu vote thlak a ni," a ti.