Political advertisement dilna ngaihtuah

Additional chief electoral officer H Lianzela kaihhruaiin nimin khan Media Certification and Monitoring Committee (MCMC) chu CEO pisaa State Media Centre-ah an ṭhukhawm, political advertisement tihchhuah dilnate an ngaihtuah.

Ṭhutkhawmah hian political party pahnih aṭanga electronic media kaltlanga political advertisement tihchhuah tur pre-certification dilna 12 chungchang sawiho a ni a, ECI-in pre-certification tihna tura dan zawm tur a siamte hmanga endik a ni. Endik zinga a tam zawkah dan pêla thil tih leh ngaihmawhawm a awm loh laiin, inkaihhruaina kalh hmuh chhuahte chu siamṭha tura hriattir turin an dah.

Sorkar thuchhuah tarlan danin, candidate hming leh hamṭhatna tura advertisement siamte chu district level MCMC hnenah chhuah phalna dil hmasak tur a ni a; party leh pawl hmunpuia political advertisement atan chuan Addl. CEO kaihhruai state level MCMC-ah dilna thlen tur a ni.

Candidate/party-te tan chhuah hun tur thlen hma ni thumah dilna thehluh hman a ngai a, mimal/pawl tan chhuah hun tur thlen hma ni sarihah dilna thehluh hman a ngai thung. Dilnateah ni hnih chhungin thutlukna siam tur a ni.

Chanchinbu (print media) kaltlanga political advertisement chhuah turte tan erawh vote thlak ni leh a hma chiah ni atan pre-certification tih a ngai thung.