Fimkhur turin mipui chah

Champhai bawrhsap James Lalrinchhana chuan, thlipui (cyclone) leh ruahsur vanga chhiatna thleng thei laka fimkhur turin mi tin a chah a, inkaihhruaina a tichhuak.

Bawrhsap chuan, Regional Meteo-rological Center-in October 23, 2023-a special bulletin a tihchhuahah, Bay of Bengal tuipui aṭanga cyclone insiamin zawi muangin hmarchhak state a pan tih tarlan a ni a, "Cyclone insiam avang hian Mizoramah October 24-26, 2023 chhungin ruahsur tura ngaih a ni," a ti.

Chhiatna a thlen thulhah Champhai District Emergency Operation Centre toll free no. 1077 bakah, phone no. 03831-234404 / 9862767718/ 8415061414/ 8974897293-ahte biak theih a ni.