Zokhawtharah kângmei laka fimkhur tura inzirtirna nei

Champhai District Fire Prevention Committee chuan, Nilaini khan Zokhawthar YMA Hall-ah kângmei laka fimkhur tura inzirtirna hun an buatsaih a, Champhai DC Vanlalngaihsaka'n a hmanpui.

Champhai DC chuan, lo, huan leh leipui hâl tur reng rengin vah bâk ram an tihkan lohna turin meikawng ṭha taka sial tur a nih thu sawiin, fimkhur loh vanga kângmei ti-chhuaktu chu dan anga na taka hrem an nih tur thu a sawi.

Vanlalngaihsaka chuan, V/C leh khaw-tlang ṭangrualin theih-tawpa ṭan an lak pawha ram kâng a awm palh pawhin a rang thei ang bera ṭhelh ngei tur a nih a sawi a, "Ram tikangtu zawng chhuak a, hrem ngei tur a ni. Chutianga ti duh lo khua an awm chuan sorkar thupek tlawhchhanin development kawng hrang hrangah hrêk theih an ni," a ti.

Awarness campaign hi Champhai DLAO V Lalmuanpuii'n a kai-hruai a; ACF PC Lalṭanpuia'n kângmei laka fimkhur a pawimawhna leh ram kângin mihringte leh nungchate tana chhiat-na a thlen theih dante a sawi.