Tui pekna tur hna 39 thawh mek a ni : Congress party
Congress party chuan thuchhuah siamin, Mizoram sorkarin mipui tui pekna tur scheme 39 hna ngawrh takin a thawk mek tih an tarlang.
MPCC Media department thuchhuah chuan, "Mizoram sorkarin lui tui pump chhuaka mipui hnena pekna tur scheme 20 leh tuidáwt (pipe)-a tui laka mipui hnena tui pekna scheme 17 leh ruahtui dawng khâwla mipui hnena pekna tur scheme pahnih a kalpui mek a ni," a ti.
MPCC tarlan danin, Pipe Water Scheme (PWS) hmangin khaw 17 tui pek tura hna thawh mek a ni a, Rain Water Harvesting Scheme (RWHS) hnuaiah khaw pahnih hnenah tui in tur pe tura hna thawh mek a ni.
PWS hmanga tui pekna tur thawh mekna khuate chu - Lamthai-I, Lamthai-II, Lamthai-III, Marpara S, Rângte, South Chawngtui, Tawngkawlawng, Lunghauká, Vaphai, Dulte, Hmuncheng, Daido, Nghalchawm, Lengte, Khawbel, North Chaltlang leh Lungmuat te a ni. RWHS hmanga hna thawhna khuate chu Bukvannei leh Lungchem an ni.
MPCC-in PHE hnathawh a tarlante Ṭhenkhat
* Cheng nuai 780.47 senna tur Bilkhawthlir Water Supply Scheme leh nuai 490.37 sênna tur Bairabi W
* Cheng nuai 780.47 senna tur Bilkhawthlir Water Supply Scheme leh nuai 490.37 sênna tur Bairabi Water Supply Scheme pawh July 2015-ah thawh zawh a ni.
* July 2015 thlengin cheng nuai 2564.50 sênna tur Lawngtlai WSS chu 83.48% thawh tawh a ni.
* Cheng nuai 2153.20 senna tur Greater Saitual WSS chu hna 88.96% zawh tawh a ni.
* Cheng nuai 825.60 sênna tur Greater Hnahthial WSS chu 97.59% zawh tawh a ni.
* Cheng nuai 941.13 senna tur Tuipang leh a chhehvel khuate chawmna tur tui lak hna 78.26% an zo tawh.
* Cheng nuai 995.19 senna tur West Phaileng WSS 96% an zo tawh.
* Cheng nuai 827.38 senna tur South Khawbung WSS 81% zawh tawh a ni.
* Cheng nuai 221.14 senna tur Sairang WSS 66.70% thawk zo tawh.
* Cheng nuai 979.42 senna tur Aibawk WSS hna 53% zo tawh.
* Cheng nuai 484 senna tur Sangau WSS hna 63% zo tawh.
* Cheng nuai 391.50 senna tur Phuaibuang WSS 93% zo tawh.
* Cheng nuai 493 senna tur Bualpui NG & Lungzarhṭum WSS 47% zo tawh.
* Cheng nuai 458.20 senna tur Lengpui Town & Lengpui Airport WSS 93% zo tawh.
* Cheng nuai 471.60 senna tur Sangau WSS hna 36.37% zawh tawh a ni.