ZNP-in ennawn turin phût

ZNP chuan thuchhuah siamin, State Transport Authority (STA) leh Coordination Commitee on Traffic Management-te chu taxi-a eizawngtute phurrit siam zawnga thutlukna siamah an puh a; thutlukna an siam tawhte chu ennawn leh turin an phût.

ZNP chuan, "Sorkarin thutlukna a lo siam tawh, taxi intlân chhâwk, taxi hlui thlak theih loh, life time tax leh road permit lak chungchangahte hian Mizoram sorkar hian taxi hmanga eizawngtu, ZTOA leh ZTDA-te hi a ráwn awmna âwm angah pawh a ráwn hauh lo hi inpalzûtna dik lo takah kan ngai. Taxi pute ráwn hauh loa thutlukna khawng tak a siam hi ṭha kan ti lo a, ngaihtuah nawn turin kan phût a ni," an ti.