Mamitah thosi lên sem a ni

State Vector Borne Disease Control Programme hnuaiah, nimin khan Mamit Chhimveng V/C huam chhung mipuite hman turin thosi lên sem a ni.

Thosi lên semna inkhawm hi Mamit CMO Dr Hmingthanmawii'n a kaihruai a; Health Services deputy director (Malaria) Dr Lalremmawii'n thosi lên sem chhan sawiin, Mamit district chu sikserh tamna hmun leh fimkhur ngaihna hmun a nih thu a sawi a, "Thosi lên hi a nihna tur ang taka hman tur a ni a, a zár duh lote chu laksak leh theih an ni. ASHA-te'n in tinah an rawn endik leh vek dawn," a ti.

Dr K Vanlalhruaia sawi danin, kum 2015 chhung khan Mamit district-ah sikserh vangin mi panga an thi a, mi 10 zela pakhatin sikserh an vei ang a ni.