BJP-in ramri vengtute ngaihsak leh zual ṭul ti

BJP, Mizoram Pradesh chuan thuchhuah siamin, Mizoram sorkar chu Co­vid-19 dona atana ramri vengtute ngai pawimawh lehzual turin an phût tih an tarlang.

Mizoram BJP chuan, an party hruaitu ṭhenkhatte'n May 23 khan Assam leh Manipur lama Mizoram ramri vengtute an tlawh a, ṭanpuina sum an hlan a ni. BJP chuan, Mizoram ramri hmun ṭhenkhata duty-te chuan ngaihsak an hlawh lo a, ṭanpuina pawh hmun dang­te angin an dawng ṭha ve lo tih sawiin, "Kan sorkar chak tak hian task force dangte ngaihsak ṭhulh chuang loin, ramria duty-te hi a bikin ngaihsakna leh duhsakna lantir tur leh an mamawhte a hmun enfiah a, nasa zawka pui turin kan phût a ni," an ti.