Police khawihtua puhte bail dilna hnâwl a ni

February 20, 2016 zana Bungkawna police patrol duty pahnih kut thlaka puh mi pasarih zinga parukte bail an dilna chu, nimin khan District & Sessions Judge Lucy Laldinthari'n a hnâwl a, pakhat erawh chu bail phalsak pek a ni.

Police khawih rawntua puhte ukil hnen aṭanga thu dawn danin, Court-in bail a phalsak hi Dr Lalruatfela Sailo a ni a, ani hi Health department-a thawk lai niin, a hma pawhin sorkar hnathawk a nih avangin Chief Judicial Magistrate-in interim bail a lo pe tawh a ni. An thubuai hi March 3, 2016-a ngaihtuah leh tura tih a ni.