Miretheite hnuaichhiahah sorkar puh

MPC party chuan thuchhuah siamin, Mizoram sorkar chu mi hausa zawkte harsatna siamsak ngam si lo a, mi rethei zawk, taxi-a inhlawhfate phurrit belhchahna tur zawnga hma laah an puh a, "Sorkarin miretheite a hnuaichhiahna leh a thamlohnaah kan ngai," an ti.

MPC chuan, tun hnaia State Transport Authority (STA)-in taxi-a eizawngte phurrit ni tura life time taxk a laksak leh tax lakna atana motor man aṭanga 6% a tuk te, plying permit tihtawpsak te, taxi hlui thlak theih loh tura a ti te, maxicab leh sumdawnna lirthei dangte lifetime tax laksakna tura a ruahmanna a siamte chu
ṭha lo an tih thu leh, sorkar-in ngaihtuah nawn leh se an duh thu an sawi a ni.