Tangkhang phurtu bus din vangin Chhungkaw pathum khung hrang

May 24, Pathian­nia Telangana aṭanga rél hmanga rawn haw, Aizawl district-a awmte Bairabi aṭanga quarantine centre-a pana phurtu bus chu Thingdawlah a ding a, rawn haw mi ṭhenkhatte'n bus dinna bul dàwrah thil an lei avangin an thil leina chhungkaw pathumte chu mahni ina inkhung hrang (home quarantine) tura tih an ni.

Thingdawl aṭanga thu dawn danin, bus dinna bula dawrah Bangalore aṭanga haw zinga mi pali lutin, ei tur an lei a; chuvang chuan Thingdawl task force-te chuan an bawhzui nghal a ni. Bus kal hnuah dawr neitu chu an kawmchhakte inah naute thar lawmpuiin a kal a, chutih lai chuan an in bula mi pakhat a awm ve a ni. Chuvang chuan, chhungkaw pathumte chu home quarantine turin an hriattir a ni.

Thingdawl task force-te chuan, thuneitute hnenah chhungkaw pathumte chu quarantine centre-a dah turin an ngen a, mahse, lo haw tur an la tam avangin home quarantine turin sorkar thuneitute chuan an lo hrilh a ni.