Mitti Kalash Yatra hman a ni

Nimin khan SYS direc-torate auditorium-ah Azadi Ka Amrit Mahotsav hnuaia Meri Maati Mera Desh (MMMD) campaign khârna, Mitti Kalash Yatra hman a ni a, Sports & Youth Services secretary Dr Lalrozama'n hmanpuiin, district 11 leh RD block 28 aṭanga bellei (sample) lâk khawm chu Kartavya Path, New Delhi-a ken turin vailiam.

Mizorama bellei lei lak khawmte hi India ram hmun dang 7,500 aṭanga lei lak khawmte nen hlum bel lianah chhùng khâwmin, National Amrita Vatika (Necter/Eternal Garden) siam nan hman a ni ang.

Mitti Kalash Yatra hmannaah hian Meri Maati Mera Desh campaign report ngaihthlak a ni a, campaign-a ti ṭha leh thawh hlawkte leh department hrang hrang hnenah certificate hlan a ni. Kal kawmte chuan Paanch Pran thutiam an sawi rual bawk.