BJP leh MNF vangin kohhrante'n harsatna an tâwk nasa - Thanzara

Mizoram Pradesh Congress Committee senior vice president Lal Thanzara chuan, BJP leh an thawhpui MNF avangin kohhran tam takin harsatna an tâwk nasa niin a sawi.

Lal Thanzara hian nimin khan Edenthar Venga an campaign office a hawnnaah thu sawiin, "BJP hian kan sakhaw ni serh leh ni pawimawh bawhchhe zawngin programme an siam zat zat a, inthlan vote chhiar pawh Pathianniah an ruat leh ngat bawk. BJP leh a thawhpui MNF vang hian kohhran tam takin harsatna an tâwk nasa hle a, chanchin ṭha hril a harsa tak zet. Pathianin a kohhrante hmangin kan ram dinhmun min kawh­hmuh hi Mizoram mipuiin kan hlen chhuah a ngai a ni," a ti.