CADS-in ruihhlo chi hrang hrang Rs 34,59,92,356 hû an man tawh

Central YMA-in Septem­ber 9, 2022-a Central Anti Drug Squad a din thar leh aṭanga kumin October 11 thlengin CADS duty-te'n ruihhlo chi hrang hrang Rs 34,59,92,356 hu an man tawh.

Biatea YMA Inkhawmpui Lian neih mekah CYMA gen.secretary Dr Lalnuntluanga'n a tarlan danin, CYMA-in CADS a din thar leh aṭanga October 11, 2023 thleng khan heroin (no. 4) hawng 2,240, methamphetamine mûm 10,188, Alprozelum mûm 2,695, Tramator mûm 51,279, Pseudoephedrine gram 182, ganja kg. 4 leh fûn 80 leh khuh damdawi búr 3,170 an man tawh a; ruihhlo an mante hlut zawng chu tualchhunga an hralhna anga chhûtin Rs 34,59,92,356 man a ni.