Nagaland-a conclave-ah Rohluna a tel

Industries minister H Rohluna leh parlia-mentary secretary (Industries) Joseph Lalhimpuia te chu, tun hnai khan Nagaland-a Ministry of Micro Small and Medium Enterprises buatsaih, Regional Conclave of MSMEs for North Eastern Region-ah an tel.

H Rohluna chuan, conclave-ah hian Mizoram hmalakna leh harsatna tawh hrang hrangte a sawi a; Aizawla MSME Development Institute Branch Office, Agartala aṭanga enkawl mek chu mahni inrêlbâwlna hran thei tura tilian turin Union Minister for MSME Kalraj Mishra a ngen.

Sorkar thuchhuah tarlan danin, Baktawnga Alluminium Processing Cluster dinna tura ruahmanna kal mek chu tihpuitlin thuai a nih tur thu a sawi.

Regional Conclave of MSMEs for North Eastern Region hi MSME ministry hnuaia hmalakna hrang hrangte hlawhtlinna leh harsatnate zirchian nana buatsaih a ni. Conclave-ah hian PMEGP kaltlanga sorkar laipui hmalakna zara ṭhalai tam takin Mizoramah pawh eizawnna an neih thawh thu tarlan a ni.