Electoral roll felfai zawk nan ECI-in ruahmanna a siam

Election Commission of India (ECI) chuan electoral roll felfai zawk neih a nih theih nan beihpui, ‘National Elec-toral Rolls Purification (NERP) 2016’ a buatsaih dawn a, hemi atan hian nimin khan mipuite hriat tur thuchhuah a siam.

ECI ruahman dan chuan, NERP hi March 1, 2016 aṭanga ṭan tur a ni a, August 31, 2016 thleng a awh ang. NERP-in a tum ber chu, January thlaa electoral roll tàrchhuah tâkah felhlel a awm em tih leh, kum tling chin vote nei thei turte an chuang kim em tih enfiah a ni.

Mizoramah chuan NERP 2016 kalpui dan tur chungchang hi district tin aiawhte nen sawiho a ni tawh a, March 1, 2016 hian district tinah ṭan a ni ang.